Thursday 20 September 2007

Memories FCI 07

أهداء لجميع أصدقائى وصديقاتى ولاحسن دفعة حاسبات 2007
تخليدا لذكرى أيام مضت وأيام أحلى قادمة

أهداء من القلب

على فكرة اللى صور معايا الصور ديه كريم فوزى وكريم زكريا

اهو يا كريم علشان متزعلش ذكرت اسمك اهو

وياريت الفيديو يعجبكم

Thursday 13 September 2007

مبارك الشهر للجميع


Thursday 30 August 2007

نبراس العمر

إلي من .. ولن يفارقني طوال سنين العمر المقبلة....
إلي من .. قضيت العمر كله ابحث عنه حتى أهداني الله معرفته....
إلي من .. بدأت صفحات العمر تنير وتزدهر به....
إلي من .. أمن بي وبقدراتي وعرفني بنفسي حق المعرفة....
إلي من .. معه أشعر بأني شاعر حساس بليغ الكلمات....
إلي من .. معه أكون رساما تخط فرشته أبهى الرسومات....
إلي من .. أوصلني قمة المعرفة الإنسانية وزودني من رحيق زهرته شهداً ما زلت أحمله ويسيل في دمى....
إلي من .. هو عماد شخصيتي الحالية وقوامها وقوتها وضعفها وكينونتها....
إلي من .. تذوقنا معاً حلاوة ومرارة وحنان وقسوة ما في العمر....
إلي من .. أحبني في الله محبة مجردة من المصلحة....
إلي من .. كان طبيب جراحي ... وتركني ألملم جراح أخرى بدونه....
إلى من أعطاني من وقته وأخويته جرعات متدفقة ... ولكنها أصبحت متقطعة يتمزق قلبي معها بمرور الأيام....
إلي من .. سبب لي جرحاً عميقاً ... وتركني ودمي ينزف ... ولم يتوقف النزف حتى الآن....
إلي من .. تركني وحيداً بين مفترق طرق وعر ... تاركاً أياي في دروب حالكة الظلمة....
إلي من .. رٍُِِغم بعد المسافات إلا انه في القلب والعقل والروح....
إلي من .. حاولت مراراً نسيانه .... وتكراراً كراهيته .... لجد نفسي أزداد تمسكا به وحبا له....
إلي من .. أحس اني ما زلت في قلبه يقدرني ويحبني رغم الفجوات التي بيننا....
إلي من .. أحمد ربى على انه وضعه في طريقي ... لينير الدرب ... ويصحح من خطأي....
إلي من .. سوف أحيا وأموت وأنا أحمل له الحب والفضل والجميل والعرفان....
إلي توأم العقل والروح والفؤاد....


إلي من كان ... ومهما فعل في ...

سيظل بالنسبة لكياني وكينونتي...

نبــــــــــراس العمـــــــــــر

30/8/2007
04:00 صباحا

Tuesday 31 July 2007

أولى شخصيات العمر


شخصيات في حياتي ....
كيف أبدا .... وبمن أبدا ....وماذا أقول ....
لن أفكر طويلا .... سوف أضع الشخصية في رأسي ومن ثم سيلهمني القلم بما وكيف أكتب....
سأبدأ بأول شخصية .... لن أستطيع أن لا أجعلها أولى شخصيات العمر...
كيف وهى من رافقتني الدروب الطويلة ....
من تعرفني على حقيقتي دون رتوش ....
من تحسسني بكياني ووجودي ....
من عاش معي أحزانى دون ملل منها ....
من شاركني أشد لحظات الفرح وأدمعت عيناه فرحا لي....
من تفتخر بى عند لحظات النجاح ....
من تجد لي الأعذار عند خطأي ....
من تجلدني بسوط عند التنازل عنها ....
من غيرها يحفز جيش الضمير عندي ضد عدو يحاول النيل منى....
من أحملها أخطاء الكون كله ولم تعاتبني يوما....
من يُحمِني من عتم ليل الحياة وقسوة برد الأيام ....
من أكسبني محبة الأصدقاء ومعزة الخلان....
من تلهمني عذب الكلمات وأرق الأحاسيس....
من تسقيني بين الحين والحين رشفة من نهر الصفاء والبراءة....
من تُقوم وتوجه مسار العمر من إنعواجه....
من تثق بقدراتي على بلوغ المستحيل ذاته....
من تسافر بى على متن بساط أمالي و طموحاتي عابرة بى المحيطات بأهوالها والسماء بأخطارها واليابسة ومشقاتها .. لتوصلني لعالم من الأحلام الوردية المزين بالقيم العذبة والنفوس الطاهرة....
لنتزود من وقود الأمل والإصرار والعزيمة لنكمل المشوار....
من لم ولن أستطع أن أوفيها جزءا من حقها مهما فعلت....



من سيكمل المشوار معي دون كلل أو تعب

من لا أستطيع أن جد كلها وصفا غير أنها

هذا أنــــــــــــــــــــا

30/7/2007
04:15 صباحا

Tuesday 17 July 2007

الفن ... والنجوم

ما بال الناس يتهافتون على الفن ....
كتهافت الفراشات على لهب من نار ....
تساؤل لطالما داعب خلدى ....
تاركا أمامى علامة أستفهام محيرة ....
لم أعرف الأجابة عليها ....
ختى تذوقت جرعة من حلوتة ....
ومن الوهلة الأولى ... أدركت سحره ....
وأنتبانى شعور لا يمكن وصفه ....
شعور يحسسك كأنك طير محلق ....
يحلق بعيداً ... بعيداً مع زرقه السماء الواسع ....
ثم يعود بك إلى جنان من الخضرة الشاسعة ....
مليئة بالزهرات التى تتفتح حديثا ....
معلنة عن قدومها بألحان غاية فى العذوبة ....
مع مزيج من أحاسيس براقة ....
ومتناقضة فى أن واحد ....
أحساس بالرزانة حين ... وبالجنون حين أخر ....
بالحنان الشديد ... والقسوة بلا حدود ....
أحساس بالــ .. بالــ ....
من فرط حبى وشغفى لا أجد مسميات تكفيه حقه ....
ولكن صدقونى عندما أقول ....
أنه أحساس فريد من نوعه ....
يسمو بالروح الإنسانية ويجعلها براقة ....

كالنجوم تضئ حياتها ....

وتسعد وتنير حياة الأخرين ....

4/07/2006
4:30 عصراً

Monday 2 July 2007

Nouran Tagged Me

1- How many advantages ( good qualities) u have ? (Just count)

انا مقدرش احكم هما كام بالظبط بس بالنسبة ليا ان ممكن يبقى عندى ميزة واحده وهى انى بشوف الشئ الكويس فى الناس بس ومبشوف الوحش فيهم فهى بالنسبة ليا ميزة وبشكر عليها ربنا

2- How many disadvantage u have ? 3eobak (just count)

لو على العيوب حدث ولا حرج علشان انا والحمد لله مبشوفش نفسى كويس واى حاجه بعملها مبتعجبنيش بس هى اكيد مش عيوب جامده قوى يعنى اكيد بيجى عليا اوقات اكذب اجامل الناس كتير وحاجات زى كده بس مش فاكرها اقوى بس اللى يعرفنى كويس هيجوبه السؤال ده عنى .

3- If u have to rename urself , wt ur name will be ?

أنا أكيد مش هلاقى طبعا زى أسمى _ محمد _ ويكفينى انه كان اسم الرسول عليه الصلاة والسلام ويارب يرزقنى اتباع خطاه ويهدينى

بس للامانه ممكن يبقى اسمى "ايهاب"

4- What do u want to reborn as? ( smth 3'er el human y3ne )

أنا كنت هاتمنى انى اكون ربع انسان والباقى ملاك فى عالم ملىء بالأحلام والمثالية.

5-When u was a chiled , kont bt7lm tkon 2eh ? (if haven't any dream , skip thise )

هو أنا حلمت انى اكون حاجات كتير وأنا صغير مرة دكتور أطفال ومرة مدرس كيمياء ومرة مهندس معمارى بس خلال مراحل حياتى كلها كان يراودنى حلم واتمنى تحقيقه أنا عارف انه مش هيعجب البعض بس بالنسبة ليا حاجه كبيرة قوى انى اكون راقص باليه.


6-How many years u want to live?

أنا مش عايز أعيش كتير زى ما ربنا كتبلى ان شاء الله هاعيش كل ما اتمناه انى موصلش لمرحلة أرذل العمر وابقى عجوز جداااااااا

7-How many people u really hurt ( 2zethom f3ln ) in ur life ?

شخص واحد بس

8-How many people hurt u & their behavior change u to be worst?


3 أشخاص

9- As u have n number of disadv , would u like to change it all or part of it ? in another word , do u really regrets these things?

بصراحه مش كل حاجة عايز اغيرها لانى بحس لو غيرت حاجه يبقى هاغير من شخصيتى وانا الى حد ما حابب نفسى جدااااا كده

10- Ur best color (s) at max 3 colors?

لون السماء الازرق الفاتح – اللون الاخضر – Pink

11-Do u ever does something knowing it's a wrong? Or do u repeats the same mistakes?

كتير جداااا بس بحاول اقلل من تكرار الخطأ . بس بقع فى نفس الاخطاء تانى ربنا يوفقنى ومكررش الغلط تانى

12-If u promises to not do smth, will you do it for any reasons?

مش عارف بالظبط بس متهيلى ممكن اعمله تانى لسبب قهرى

13-Would u die for someone? (to really replace someone in death )? If yes how many?

ايوة مستعد وهاعملها وانا سعيد جدااااا وهما 5 من كليتنا (أحمد عماد – كريم زكريا – كريم فوزى – نوران – فاطمة )

وأعضاء فريق الصرخه المسرحى كلهم وهم (أحمد محى – محى الدين محمد – كامل – حناوى – أسيا – مودة – وسام - محمود بدر – مس هبة - مس منى – مس هاجر – اسماء – هبه – رانيا ) مش هعدهم علشان ربنا يزيد ويبارك فينا كلنا .

14-Would u die after someone ? (Not physically death but it's end of ur life).


بصراحه وياريت محدش يزعل منى هما 3 أشخاص بس اللى لقدر الله حد حصله حاجه انا هتبقى نهاية الكون بالنسبة ليا (أحمد عماد –
أحمد محى – محى الدين محمد) ياريت محدش يزعل منى بس ديه الحقيقة ومقدرش اقول غير كده
.
15-If u have to take decision in smth , & u have these considerations ur heart - ur brain - people - circumstances sort them according to their Priorities for u ..


اولا :قلبى وثانيا :الظروف وثالثا :الناس وأخيرا :عقلى

16- The most natural scenes Affects you?

الشروق والغروب- البحر- النيل لحظة الغروب- ولاده طفل – المطر – تجمعات الطيور – طير او حيوان بيشرب مياه – مياه البحر لما بتخبط فى صخور – اب وام واولادهم بيضحكوا من قلبهم – ضحكة طفل ببراءة وعفويه – الخضرة والحدائق . كل الحاجات ديه عندى كانى لقيت كنز على بابا .

17- The last thing u wish to see before u dead, or the last one?

عائلتى كلها وزوجتى وأولادى واتمنى ان انطق بالشهادة قبل مماتى أمين يارب العالمين.

18- What is in the top of ur dream list ? (Mention at least one)...

انى اكون مسلم صالح فى الدنيا والاخرة وربنا يرزقنى الجنة انا وكل من احب.

اكون ميسور الحال واحقق كل احلامى ويهبنى الله الزوجه الصالحة والابناء الصالحين ويلهمنى الصبر والمقدرة على تربيتهم وحمايتهم على اكمل وجه .

خمسة اصحابى من الكلية وكل فريق الصرخة المسرحى نفضل مع بعض لاخر العمر ويبقوا أزوجنا وأولانا أصحاب ونعمل عائلة كبيرة نفضل مع بعض على الحلوة والمرة لاخر العمر وياريت لو أولادنا يلاقوا بنات واولاد الحلال من خلال العائلة الكبيرة ديه


19-Mention two things from ur believes (7agat mn el donia like mbad2 mslan)?


العالم يرانا من منظار مختلف عما نكون حالما نعرف من نكون نعرف اننا نجوم
عامل الناس كما تحب ان يعاملوك به ___ الصديق قبل الطريق __
من حسن صفاؤه وجب اصطفاؤه ____ الأفعال أعلى صوتا من الأقوال


20- When u face a problem which make u feel lost, who is the first one u wish to see?

اربع اشخاص (احمد عماد – كريم زكريا – كريم فوزى - نوران)

21- what do u think in when u see these words : (if it has special meaning for u )

Winter : الخوف وعدم الاستقرار
Autumn : الفراق
Summer : الانطلاق والحرية والتمرد
Spring : الجمال والبهجة والاشراق
Night : أعماق الانسان
Light : التفاؤل والأمل والناس
Closed window :
السجن والحبس داخل قضبان من غير حديد وده اشد انواع السجون
A baby cried :

وجع فى قلبى والضعف لابعد الحدود
Chiled who ask people for money in metro msln:
أقوم بحمد الله وشكره على النعمة اللى انا فيها واحس قد ايه بقيمه النعمة اللى انا فيها واكيد الاحساس بالغضب من نفسى ومن الناس لاننا احنا اللى وصلنا الطفل ده انه يبقى كده والدعوة ليه وكل الاطفال الابرياء اللى زيه ان ربنا ينجيهم.
Smth broken : الانكسار وقد ايه ان الانسان ضعيف

Empty street : الوحدة

22-Life is a ... (life like wt in ur eyes just one reason for ur answer is enough)

هى كلمة انا دايما بسمعها من الافلام والتلفزيون والناس ساعات بتقولها بس بالنسبة ليا بجد هى كده وأما الحياة الا مسرح كبير واضيف اليها اجابة نوران انها ابتلاء.

23- if u have the following 3 doors each one give u a chance for smth , which door u will choose :
1- doorA : door let u see ur future and take u there directly
2- door B : door will take u to the past ( but u will not chnage ur fate , just bt3esh el mady tany )
3- door C : door will make u change only one thing in ur life ( y7'lek t3'er 7aga w7da f mshklk w tfdl f ur current life)-- tell the reason for why u choose thise door :D it's important ..


Sure Door C
بس أعذرونى عن ذكر السبب لان الشئ اللى عايز اغيره حاجه وحشه قوى انا عملتها زمان ومش هاقدر اقول عليها لاسباب شخصية جدااااااا . فتقبلوا عذرى


24- if u put in a situation which u have to choose one person form the following ( ur father or mother , ur baby sister, person u don't know ,ur self , ur love ) a ) u have to choose on of them to dieb) u have to choose on of them to save the answer is to mention the one who u will choose and ur reasons for that not only ur choise ...

بصراحه فى كلتا الحالتين هاختار نفسى بس لو كنت انسان كويس جدا ساعتها فمين يموت اكيد انا وانقذ مين بقيه الناس كلهم اكيد

25- R u from the kind of ppl who get optimistic or pessimistic from seeing something or someone? If yes what is it?

بصراحه ايوة بس بجد مش متذكر مين او ايه بتفائل او بتشائم منه بس هى مش حاله مرضيه عندى يعنى هى حاجه خفيفة كده

26-Do u think that ppl missunderstand u alot ? if yes , give %

100 %
الناس فهمانى غلط ولكن اعترف وبكل ثقة ان هناك شخص واحد فقط من فهمنى على حقيقتى بمعنى الكلمة وهو (أحمد عماد) مع
الاعتذار لبقية الاشخاص فى حياتى ولكنها الحقيقة من وجه نظرى.

27-If I told u to sort the ppl u really know & admire in ur life , then give urself a place between them , wt will be ur order ?( 1'st , 2nd .... n )

أحمد عماد – احمد محى – كريم زكريا – محى الدين محمد - كريم فوزى – محمد نبيل – فاطمة – مس هبه – نوران – كامل – وانا اخر واحد خالص

28- Finally, by which % u was sincerity in ur answers?
مليون %


Friday 1 June 2007

مشوار العمر



لم أفكر يوما فى هذا
ما بالى .. لماذا وأنا فى هذه المرحلة من العمر أفكر فى هذا المشوار..
لم تخطر الفكرة فى بالى فى أى من مراحل العمر الاخرى ..
لعلى وقتها كنت اتمتع ببراءة وبعالم خيالى لطالما تغلفت به
أمنى نفسى فيه بالزوجة المثالية والأبناء الرائعين والصديق الأخ والمركز المرموق والمال الوفير و....و....
أمنيات .. وأمنيات حالمة كانت تتراكم يوما تلو الآخر وتزداد أشعاعا وتوهجا ...

مبتعدا بذلك عن كل أنتقادات العالم من حولى لى ....
عائلتى ... وبأعتبارها لى أنسان غير طبيعى لا مكان ولا وجود له .
حتى أحسست بأنى جزيرة منعزلة عنهم ....

أصدقائى وزملائى ... من بداية مراحلى العمرية والتعليمية ونظرتهم لى كمن وجدوا كائنا فضائيا من كوكب يبعد عن عالمهم بملايين السنون الضوئية .. وعلى الفور يتخلجهم شعور بالأنبهار أحيانا ..وبالفضول أحيانا أخرى .. وحتى بالأستهزاء حينا ..من تصرفاته التى بالطبع تبعد كليا عن الواقع .. والمفروض .. والطبيعى ....

حتى فى معاملتى مع الفتيات ... لا أنكر أنها كانت مليئة بأحاسيس من الأعجاب والأنبهار لعالمى الخيالى .. ولكن سرعان ما يتبخر الأعجاب كالطيف الخيالى حين يختفى تاركا وراءه ذكرى ....

كل هذا لم أفكر فيه جديا وبعمق قبل الأن ...
ولكن تولد فى أعماقى ودون أن أشعر تصميم على تحطيم الخيال ومعايشة الواقع حتى أرضى الجميع ويكونون سعداء راضيين ....

وبالفعل بدأت مراحل حياتى الجامعية فى التصادم مع الواقع .. عرفت فيها _ولو قليلا_ معنى الحياة ....

وأدين بالفضل كثيرا لتلك المرحلة ففيها تعلمت بعضا من فنون الحياة .. ومارست فيها _ولأول مرة بالعمر_ ما تمنيته وأختارته بإرادتى دون التدخل من أحد .. وفيها أصبحت حياتى إلى حد ما متزنه .. ولكنى مازلت أتغلف بالاحاسيس وما كنت عليه فى الماضى ....

وحييت .. وتعايشت .. وقعت .. وأنكسرت .. قمت .. وصمدت ومرت الايام بحلوها كان او بمرها لا أذكر ....

وفجأة مرت أمامى كلمات ... حياتى ... ومشوار العمر ....
فوجدتنى أهيم بخاطرى بعيدا ... بعيدا عن حدود المعمورة كلها ...
أبحر فى أعماقى .. وبحور مشاعرى ... أتطلم مع أمواج ثوراتى وغضبى وما كان ولا يظل يضايقنى ....
لأستقر أخيرا ... على شاطئ لعالم بديع ...
ملئ بالروائع .. والضحكات .. والبراءة...

واذا بالشريط ينتهى سريعا ... وتغلق شاشات العرض ... وتضاء أنوار الصالة ... معلنة عن أنتهاء عرض شريط العمر الماضى ....

وأعود أنا معها .. واذا بكلمات رنانة محببة لى .. وكان صوتا ملائكيا يذكرنى بها ....

ومعها ومع كل ما مررت به خلال السنون الواحدة والعشرون من حياتى الدفينة ..
أكمل ... أعيش ... وأحلم بها ومعها ....
مكونين وحدهم فقط ... سمات حياتى القادمة ....
دون أن يملئ أو يؤثر أحد على ... فى حياتى ....

وأنا متحمل كافة العواقب والمسلمات الناتجة عن ذلك ....
أقولها وأنا مرتاح الضمير .. هادئ ومرتاح النفس ....

سأحيا عالمى القادم ....
بذكرياتى الدفينة الغالية ....
حاملا لفته تقول :

العالم يرانا من منظار مختلف عما نكون ..

حالما نعرف من نكون نعرف أننا ..

نـــــــجــــــــــــــوم


أمضاء
مشوار العمر القادم

21/05/2007
01:45 صباحا

Thursday 24 May 2007

يوم الصداقة الصدوق


منذ فترة ليس ببعيدة كنت اشاهد حلقات كرتون يسمى "تيمون وبومبة" كانت أحدى الحلقات تتكلم عن يوم أحتفل بيه بطلى الكرتون "تيمون وبومبة" بيوم الصداقة الصدوق وبصراحة أعجبتنى الفكرة جداااااااا حتى أننى فى تلك الفترة _أيام الثانوية العامة_ أقترحت على بعض أصدقائى تلك الفكرة ورحبوا بها كثيراااا وبالفعل قمنا بأختيار يوم ندعوة يوم الصداقة الصدوق لنجتمع فيه ونقوى بيه صداقتنا .


وتمر الأيام والشهور والسنين ولم نحتفل بهذا اليوم حتى أننى لم أعد أتذكر ما هو تاريخ اليوم الذى أخترناه ليوم الصداقه هذه ولكنى بالامس كنت اشاهد أحد القنوات التلفزيونية وأذا باحد الاعلانات لمنتج ما أنهم يحتفلون بيوم الصداقة فشرعت لاعرف تفاصيل هذا


ووجدت ان العالم كله يحتفل بهذا اليوم من قبل ذلك بكتير ولكن فى مواعيد تخص كل بلد تقريبا ولذلك تبنى هذا المنتج أنهم أختاروا يوم معينا ليكون يوم الصداقة واليوم ده هو (25/5) من كل سنة .


فذكرنى هذا بما كنت أتمناه وفرحت كثيرا أنى وجدت حلم ولو صغير يتحقق بعد سنين بس بالنسبة ليا سميته يوم الصداقة الصدوق


وكل سنة وكل أصدقائى وأحبائى بخير وبصداقة متينة معايا

فكرت بشى أهديه ليكم يا ترى أهديكم ايه .

لو بيدى لجمعت لكم جميع باقات الورود فى العالم بأسره لاهديها أليكم ... ولكنها لا تكفى ..

ما رايكم لو جمعت لكل واحد منكم نجمة من نجوم السماء لتنير لكم حياتكم كما أضائتم بحياتكم حياتى ... لا لا تكفى ....

مارايكم .... لا تكفى ..... مارايكم .... برضه لا تكفى .....

لا أجد فى الكون ما يكفى ويعبر عن مدى حبى ومعزتى لكم .....

لا أجد سوى كيانى وروحى ... شى قليل يعبر عن ما بداخلى تجاهكم ....

فهل تكفيكم روحى ....

إلى جانب دعاء إلى الله عز وجل بالتوفيق والنجاح الباهر فى حياتكم الجميلة وأن نستمر فى صداقتنا إلى أخر العمر ونحتفل سويا بيوم الصداقة الصدوق وأحنا عوجيز ومكحكحين وبنفتكر أيامنا الحلوة مع بعض وبرضه شقاوتنا مع بعض


مع أمنياتى ودعواتى وقناديل دموعى

كل عام وأنتم أصدقائى

Thursday 17 May 2007

قولى ولكن صدقا




قولى ولكن صدقا كلاما من قلبك فقط



Describe me in one word.... just one single word. Send it to me and to me only.

Then send this original message to all your friends and see how many strange and interesting things they say about you.

Here's how: Hit the reply key and send me my one word.


The Game is On!






Wednesday 16 May 2007

كلمات للذكرى







السلام عليكم ورحمه الله وبركاته .....

أصدقائى وصديقاتى العزاء......

بعد التحية والسلامات .... عاملين ايه وايه اخباركم .... أن شاء الله تكونوا بخير ....




طبعا زى ما أحنا عارفين باقى ايام وتنتهى رحلتنا مع الحياة الجامعية .... ياه 4 سنين عدوا من عمرنا شوفنا فيهم الحلو والوحش اكيد
بس يارب أيامنا تبقى بعد كده فى تقدم وازدهار _أن شاء الله _

المهم_ طولت عليكم بالمقدمة أنا عارف _ كان ليا طلب عندكم كلكم لو ممكن يعنى ولو يسمح وقتكم كل واحد يفضى نفسه 10 دقايق ويعمل الاتى :
1. أفتح برنامج الورد (أى نسخه مش مهم)
2. غمض عينيك أفتكرنى فى دماغك كده ورجع شريط حياتك اربع سنين وأفتكرنى من يوم ما قبلتنى لغاية وقتنا الحاضر .
3. خلاص أفتكرتنى كويس أفتح عينيك بقى وحط أيديك على الكى بورد بتاعك
4. وأكتب كلمة للذكرى وياريت جنب الكلام صورة ليك _ولو مش عايز صورة شخصية ليك يا ريت اى صورة تانية تفكرنى بيك _
5. أبعت اللى انت كتبته على الميل ده
hamada_4fci@hotmail.com ده ميل مخصوص علشان استقبل عليه كلماتكم الغالية


متهيلى كده اكتر من 10 دقايق . بس معلش أنا مش عايز وقت كبير من وقتكم ان شاء الله حتى ولو كلمتين . بس انا محتاج كلماتكم دى ضرورى علشان أخلد بيها معرفتكم الثمينة والاوقات التى أعطيتموها لى من الحب والوفاء والنصايح

ومستنى كلماتكم بفارغ الصبر

مع تحياتى ودعواتى وامنياتى وقناديل دموعى
كل عام وأنتم أحبائى .... أحبائى

Sunday 6 May 2007

My FCI - Tagged

لقد تم أختيارى من قبل "أوشن 4 "و "محمد عامر"... للأجابة على الاسئلة وتخليدا لبعض الذكريات والمهارات التى أود مشاركتها معكم وهى كالتالى


1. List five things you learnt in FCI -not Technical?
- القدرة على تكوين صداقات وأكون شخصية أجتماعية
- السهر لوقات متأخرة والشغل المتواصل من غير أوقات نوم كافية
- صحوت فيها من مثاليتى الزائدة فوجدت فيها العالم الواقعى حيث كنت أرى الجانب الوردى منه فقط فأبصرت على الجانب السئ منه
- كونت فيها أغلى 3 صداقات ساعدوا فى أثقال شخصيتى والنهوض بها وهم : أحمد عماد وكربم فوزى و كريم زكريا
- المثابرة والجد وعدم اليأس من اول محاولة بل يجب أن تحاول مرارا وتكرارا حتى تصل لهدفك _ والبركه فى المشاريع أكبر معلم

2. Five things you will miss in FCI?
- الحياة الجامعية حيث أنتقلت فيها من مرحله الصبا الى الشباب وروح الشباب التى نتمتع بها فى تلك المرحله من سنين حياتنا
- كل الناس اللى حسيت أنهم بيحبونى لشخصى وليس لمنفعة وكل من أحبنى من كل قلبه دون نفاق
- كل ركن فى الكلية او الجامعه كان ليا فيه ذكرى هيوحشنى جدا
- كل يوم ضحكت فيه من قلبى ضحكه صافية وبرضه كل يوم تعبت وزعلت فيه هيوحشنى فنحن نتعلم من أيامنا الجيد منها والسئ
- جلساتى مع أحمد عماد _ فى سنة اولى وتانية بصراحه هفتكرها أكتر _ وأيامى مع كريم فوزى وكريم زكريا مش هتروح من بالى ابداااا

3. Best day in FCI Helwan?
- هما بصراحه أيام كتير ومش عارف أقول ايه ولا ايه بس أحسن يوم عندى هو اول مرة الناس فى الكلية أفتكروا فيه عيد ميلادى فحسيت ان فى حد فاكرنى وانى مش لوحدى

4. Worst day?
-بصراحة هو أول يوم فى سنه تالتة علشان انا دخلت نظم معلومات وكل أصحابى اللى بحبهم دخلوا علوم حاسب واكترهم بصراحه أحمد عماد لانه كا بقى بينا كيمياء وتؤمه جميلة جدا ومن أكتر الشخصيات اللى عرفت أتفق معاها بدون تعب

5. Best week?
·
معلش هما أسبوعين _مقدرش أفضل واحد عن التانى _أسبوع تسليم مشروع الملتميديا و أسبوع تسليم مشاريع حزم البرامج الجاهزة ونظم التشغيل وتحليل النظم

6. Best doctor, course, book, project?
· معلش انا عندى دكاترة كتير ومقدرش أفاضل بينهم لانهم كلهم نفس المعزة وهم : د.أحمد الجارحى ود.مها عطية ود.شريف خليف والمعيدين د.نرمين ود.شيماء عزت وهاله ابو الحمايل و د.سمير
· أى مادة أخذتها مع د. ليلى الفنجرى ود.مها عطيه أحسن مادة عندى
· Electronic Business & Commerce.
· مشروع الملتميديا


7. Worst doctor, course, book, project?
· د.أحمد شرف و د.هواف والدكاترة بتوع الفيزياء _ عذرا ناسى أسمائهم _
· الفيزيــــــــــــــــــــــــــــــــــــــــــــــــــــــــــــــــــــــاء
· كتب الفيزياء
· "CrossWord Puzzle" – ACM Project _ 1st Year


8. Best instructor?
· للامانة وبجد د.ليلى الفنجرى علشان هى السبب الرئيسى لاختيارى مشروع التخرج وحبى لمجال التجارة الالكترونية
· وكمان د.مروة _ المشرفة علينا من المعيدين فى مشروع التخرج_ لمجهودها معانا وتعبها علشان الشغل يطلع على مستوى عالى


9. Best situation?
· بداية معرفتى بأحمد عماد وصدفة كنا بنتكلم عن الفن والتمثيل وكان أول ما اعطانى الدافع والفرصة لاظهار وأثقال موهبة التمثيل عندى وكان البداية لاظهار موهبى الدفينة سنين طويلة

10. Did you meet your sweet-half in FCI?
· للاسف الشديد ما اسعدنيش انى القى نصى التانى ولكنى أكتفى أنى خرجت من الكلية بصداقات لبعض الزميلات أعتز بها وأقدرهم جميعا وأكن لهم كل الاحترام والتقدير

11. Did you regret for knowing someone in FCI?
· بصراحه أسفت لمعرفة بعض الاشخاص ولو حتى لمجرد المعرفة السطحية _وهم زملاء وزميلات ولا داعى لذكر اسماء _ لانهم لم يروا منى غير كل خير وعاملونى بالعكس

12. What was your favorite place in the faculty?
· هو عند معمل .3 لانه المكان اللى دايما بنقعد فيه أنا وكريم فوزى وكريم زكريا
· وكمان حولين الكلية لانه ده المكان اللى دايما كنا بنتمشى فيه انا وأحمد عماد ونقعد نتكلم بالساعات فى كل حاجه _ وده كان فى أولى وتانية وتالتة
_

13. What is the size of our digital photos on your hard disk?
· 9.25 MB وأسف لصغر المساحة ولكنها الحقيقة

14. What will you do in the last day?
· بصراحة لسه مقررتش هاعمل ايه بالظبط أهم حاجه انا مخطتلها أنى أخذ من كل واحد فى الكلية كلمة للذكرى لكى اتذكر الناس دائما فى بقيه حياتى _ أن شاء الله _

15. What would you like to say to dof3tnaa?
· شكرا على كل يوم وكل ضحكه وكل موقف جيد كان او سئ لانكم بكل اللحظات ساعدتم فى تكوين شخصيتى وكيانى واثقلتمونى أجتماعيا وكل ما أتمناه أن تتذكرونى بالخير وبالدعاء كما سوف افعل أنا _ أن شاء الله _


16. What would you like to say to other grades -aldof3at altanya- ??
· ربنا معكم ويوفقكم جميعا ونصيحة من مجرب قبل ما اكون أخ كبير لكم أغتنموا كل فرصه وكل معلومه وكل نصيحه وبطلوا تهريج كتير يكون على قد المعقول يعنى علشان بعد كده لما تفتكروا أيام الجامعه تبقوا فخروين من انفسكم ولا تسقطوها من حسباتكم

17. What would you like to do if you found the today's date is 2003-ya3ny lo reg3t lesnah ola bel3fyah ?
· بصراحة مطلقة هاحول لكلية فنون تطبيقية _ ليس عيبا فى كليتنا _ ولكنى ارى العيب فى أنا فميولى وقدراتى لا تتوافق أحيانا مع متطلبات كليتنا وأجد طموحى وقدراتى فى الحس الجمالى أكتر


أريد اختار من بعدى كريم زكريا و كريم فوزى و أحمد عماد و فاطمة و نوران

وأسف على التطويل الشديد فى الموضوع وأرجو أن تمدونى بأرائكم دائما حتى أعدل من نفسى

Monday 30 April 2007

يا عينى عليك يا طيبة

  • قبل قراءة الموضوع أحب احيط علما أن هذا الكلام ليس وليد أفكارى ولكنى كنت افكر فى هذا الموضوع فأحسست ان الكلام سيكون معبرا اكثر فاستعنت به لاشاركه معكم
يا عينى عليكى يا طيبة لما بتضيعى منا.....
لما بنصحى لاقينا بقينا حد غيرنا .....
وفى عز الاحتياج لحضن يضمنا .....
وفى عز الاشتياق لحضن يضمنا.....

قادرين أزاى ندوس على قلب حبنا .. وبيقينا ازاى كده ...

أجمل ما فينا قلب أصبح حته حجر .. أتعلم الخيانة واللعب بالبشر...
ومين أخترلنا .. وأحنا أزاى رضينا ...
نعيش وحوش فى غابة ونقول مكتوب علينا ...

ملاحظة:(حتى لا يفهم المعنى خطأ معناه ان الانسان هو المسئول عن قرارته الخاطئه ولا يجب رمى كل شى على المكتوب والمقدر لنا فقط )

وا ه ه ... من يوم هيجى مليان جرح وألم.... هتدور الدايره بينا وهندفع التمن ...
وتصرخ مهما تصرخ ولا حد هيسمعك ...
مفيش مركب هتقدر بالعمر ترجعك ...
وبقينا أزاى كده ...

يا عينى عليك يا طيبة لما بتضيعى منا.......
منقول كلمات الشاعرة / كوثر مصطفى

Friday 27 April 2007

نور الوطن

الله أكبر فوق كيد المعتدى...
يعنى ايه كلمة وطن ...
كلمات شجى بها الناس فى حب الوطن ...
وطن ..وطن .. بحق ماذا تعنى ...

و .. ولاء وعرفان بالجميل لارضها الطاهرة العامرة بالخير
مهما كان ومهما رأينا فيها ...

ط .. طيبة أهلها والخير والايمان الذى يسرى فى دمائهم
ومكون أساسى لنيلها ممزوج بالاصالة والعراقة...

ن .. نفديها بأرواحنا وبكل ما نملك سبيل ان تحيا
شامخة عالية..

هل هذا بحق ما تعنيه كلمة وطن ...
ولكنى أشعر ان هناك معنى ناقص يكمل المعنى بحق ...
ألا وهو التأخى بين أهلها ... معنى الأخوة هو الناقص ...

تصوروا معى كيف سوف تتكامل معانى وطن مع بعضها فى جو تشوبه الكراهية والتعصب الأعمى من مواطن تجاه مواطن أخر .

فى جو من فقدان الاستماع للأراء وتشدد كلا منا برأيه مهما كان ..
وكل هذا يتم تحت مراى ومسمع منا تحت مسميات عدة.. تهفو علينا من الحين للأخر فتفقد وطن بريقها ..

نداء انسانى من مواطن يتألم .... ويشعر بالغربة والوحدة إلي أخوتى فى وطن ....
أفيقوا .. أذيبوا الثليج المتحجر فينا ... قد سئمناه ...
أفسحوا قليلا لنور وطن ان يتسلل فينا فيشعرنا بالدفء ...
أدعو الله – عز وجل – ان يستمع لدعائى ان يحفظ نور الوطن ....


حتى ولو لم يستشعر به أبناءه ...
فلعل يأتى من بعدنا أو من فينا من يستشعر
نور وطن

الخميس
26/4/2007
04.25 صباحا

Tuesday 24 April 2007

ومضة نور



هائم أنا فى طريق من ظلام ....
أمشى أتحسس أطراف الطريق ....
أركض بحثا عن طرف خيط ....
يقودنى لبصيص نور ....
وفى عتم ظلمات الطريق ....
تراءى إليا ومضات نور ....
كلما أقتربت منها ....
تقودنى إلى نقطه اللاحدود ....
فأركض وأركض أكثر ....
أملا فى التلاقى ولكن دون جدوى ....
قوقفت قليلا متأملا ....
وقفز لمخيلاتى تساؤل ....
لربما سعى ولهثى ورائها .. سبب هروبها من ملاقتى ....
ولربما تهرب خوفا منى ....
ولربما ... ولربما ... ولربما ....
تساؤلات من هنا وهناك إلى أن ....
تشتت الومضات وتلاشت ....
تاركه ورائها أياى وحيدا فى الدروب ....
ليس معى غير تساؤل وحيد ....


هل سيسمح لى العمر ....
بومضة نور أخرى أم لا ؟


27/06/2006
12:02 صباحا

Monday 19 March 2007

أغنى من فى هذا العالم

هل تسألت يوما من هو أغنى رجل فى العالم ......
فكل يوم نسمع بعض الاحصائيات التى تقول ان فلانا من هنا او هناك هو رقم واحد فى الغنى على العالم ثم التانى وثم ... وثم ....
وهم بالطبع يقيمون الغنى بغنى المال وسرعة كسبه ومقومات اخرى ....
ولهم كل الحق فى ذلك .... فأنا لا اقصد ان استهذى بهم او اقلل من حقهم فبعضهم كسب هذا المال بفضل جهده وتعبه ....
انا فقط اطرح تسأل هل هم لوحدهم فقط هم أغنى من فى هذا العالم ؟؟؟؟؟
هذا تسأول راوضنى من فترة طويلة ....
ووجدت خاطر يخطر ببالى حينها .....
وجدت ان البشرية كلها رجالها ونسائها أطفالها وكبارها أغنى أغنياء العالم .......
فيكفى انك كل يوم تستنشق الهواء على مدى طول حياتك دون ان ينفذ منك ..
انك عندما تنظر الى مياة النيل ويداعب هوائه العليل وجهك تحس انك تحلق فوقه كطير دون ان يوقفك احد..
وعندما ترى عينيك احد الزهور تتفتح أمامك تحس بان الدنيا كلها تفتح ابوابها اليك..
وعندما تجد أسرتك تفتح اليك ذراعها بالحب والوفاء فتتاكد بانه مهما خسرت من الاشخاص فهناك من سيهتم بك دون هدف غير الحب فقط..
وعندما ..... وعندما ......
أنا اعرف ان كلامى به شق كبير من المثالية والخيال ولكنه خاطر احببت ان اشارككم به ..
فمن يجد كلامى به شئ من الصحة فليفكر قليلا متي احس بانه بالفعل اغنى واحد فى العالم حتى ولو للحظات وليشاركنا هذا ..
فى انتظار ردكم
ملاحظة:
الاشياء التى ذكرتها فى الموضوع هى بالفعل عن تجربة شخصية حقيقية وهناك اشياء اخرى لكنها ليست حاضرة فى ذهنى الان عندما أذكرها سوف اتشارك معكم بها ..
ولنحاول ان نكن أغنى من فى العالم

Thursday 15 March 2007

فقط حب

لماذا لم يفكر أحداً من قبل أو من بعد....
بالرغم من أتساع الأرض طولا وعرضا....
فى هذا السؤال .... لماذا يطلق على الحب حب؟
لماذا لم نطلق عليه لفظا أخراً غيره....
لكنى فى يوم من الأيام وجدت نفسى أتسائل ....
حب ..... ماذا تعنى حقا هذه الكلمة....
فلو تأملنا قليلا اليها.... سنعرف بالطبع....
فسنجد أن الحب حرفان الحاء والباء ... فقط.....
حاء ..... حــــــــــــــــــــريــــــــــــــــــــة
باء ..... بــــــــــــــــــــــــــــــــــــلاء
فنحن نشعر معه بالحرية .. الأنطلاق .. الأندفاع....
إلى جانب أنه بلاء يشقى فى بعض الوقت محبيه....
ولو نظرنا أكثر ....
لوجدنا أنه فى علاقات الحب يلازم شخصان....
حبيب ومحبوبته ... أثنان فقط ... أى حرفان فقط ....
يكمل أحدهما عند الأندماج معنى الأخر ....
ولو تدخل طرف ثالث ... فقدت الكلمة معناها ....
ولو دققنا أكثر ... سنجد تلك هى حال جميع العلاقات المبنية على الحب....
حب المرء لعائلته ... لاصحابه ... وفوق كل ذلك حب المرء لربه ....
سنجد أن الله _سبحانه وتعالى_ يشعر بحب العبد له....
دون وساطة أو تدخل من طرف أخر يفسد صفو المحبة والطاعة لله _عز وجل_ ....
وبرغم كل ما قيل .. وحكى .. وسمع .. وتغنى .. به الناس عن الحب....
لم يعى الناس يوما ...

لماذا الحب ...
فقط حب ...